محەمەد عەبدول کەریم ئەو گەنجەی کاری جیاکردنەوەی ئاسن و پلاستیک دەکات. وێنە :964
گەنجێک لە جەژنی کرێکاراندا
“رۆژانە 11 كاتژمێر كاردەكەم و دەست لە كەس پان ناكەمەوە”
964+
كاروان ساڵحی – كەركوك
محەمەد عەبدولكەریم، تەمەن 17 ساڵ ماوەی سێ ساڵە كار دەكات لە گەراجی جیاكردنەوەی ئاسن و پلاستیكی نێو زبڵدانەكان لە گەرەكی كوردستانی کەرکوک.
رۆژانە لە كاتژمێر 7:30 بەیانیەوە دێـتە سەر كار تا كاتژمێر 6:00ـی ئێوارە، رۆژانە بەرامبەر ئەو كارەی دەیكات 10 بۆ 15 هەزار دینار وەردەگرێت.
محەمەد دەڵێت، “گرنگ ئەوەیە ئەو پارەیەی دەستم دەكەوێت دڵخۆشم پێی و دەست لە كەس پان ناكەمەوە، ئەگەر دەرفەتیش هەبێت جارێكی دیكە دەگەڕێمەوە بەر خوێندن بۆ ئەوەی خوێندن تەواو بكەم “.
وتیشی، جاری واهەیە لە ناو زبڵ و پاشماوەكان كەلوپەل و ئامێری بەنرخی تێدایە و لە كار نەكەوتووە، تەنیا لەبەر ئەوەی مۆدێلی دیكە دەرچووە.
پێداچوونەوە: توانا نەقی