لە شارێکی عێراق
ژنێک کچەکەی بۆ مادەی هۆشبەر دەفرۆشێت
964+
میدیا گۆران
لە بەغدا ژنێک دەستگیرکراوە کە هەوڵی داوە کچە بچووکەکەی بەرامبەر بە بڕێک مادەی هۆشبەر بفرۆشێت.
شەوی رابردوو دەزگای هەواڵگری و لێکۆڵینەوەی فیدڕاڵی دەستگیرکردنی سەرۆک باندێکی بازرگانیکردن بە مرۆڤ و مادە هۆشبەرەکانی لە بەغدا راگەیاند کە چوار تۆمەتبارن و یەکێکان ژنێکە هەوڵی داوە کچە بچووکەکەی ئاڵوگۆڕ بکات بەرامبەر بڕێک مادەی هۆشبەر.
دەزگای هەواڵگری و لێکۆڵینەوەی فیدڕاڵی ئاماژەی بەوەشکردووە، دوێنی دووشەممە زانیاریان پێگەیشتووە لە کۆبوونەوەی باندێکی بازرگانیکردن بە مرۆڤ و مادە هۆشبەرەکان دەستبەجێ تیمێکیان ئامادەکردووە و باندەکەیان دەستگیرکردووە کە سێ کەسیان پیاوبوون و یەکێکیان ژنێک بووە هەوڵی داوە کچە مێرمنداڵەکەی بەرامبەر بڕێک مادەی هۆشبەر بە باندەکە بفرۆشێت.
لە ئێستادا هەر چوار تۆمەتبارەکە دەستگیرکراون و دانیان بە تاوەنەکەیاندا ناوە.