حاسڵاتی رۆژ
ئێران: بەم نزیکانە چەند گورزێکی زۆر گەورە دژی ئیسرائیل دەوەشێندرێن
+964
ژووری هەواڵ
ئاستی زیانەکانی غەزە دەرکەوت و ئێران هەڕەشە دەکات، ئەمریکاش هەواڵە ناخۆشەکەی بە ئیسرائیل داوە.
بەپێی راپۆرتێکی هاوبەشی بانکی نێودەوڵەتی و نەتەوە یەکگرتووەکان: ئەو زیانەی لە 7ی ئۆکتۆبەرەوە هەتا مانگی یەکی ئەمساڵ بەر ژێرخانی غەزە کەوتووە، بڕەکەی دەگاتە 18 ملیارو پێنج سەد ملیۆن دۆلار.
وتەبێژی سوپای پاسدارانی ئێران دەڵێت: بەم نزیکانە چەند گورزێکی زۆر گەورە دژی ئیسرائیل دەوەشێندرێت، بەرەی مقاوەمە ئەرکی خۆیان زۆر بەباشی جێبەجێ دەکەن.
رۆژنامەی ئاکسیۆس بڵاویکردووەتەوە: لایەنی ئەمریکی بە ئیسرائیلییەکانی وتووە ئێوە تاکە وڵاتن لە دنیا کە پێتان وایە غەزە رووبەرووی برسێتی نەبووەتەوە.
خاچی سووری نێودەوڵەتی دەڵێت: کەمبونەوەی یارمەتییەکان و چاودێرییە تەندروستییەکان لە غەزە و داڕوخانی کەرتی تەندروستی مانای ئەوەیە هەموو خەڵکە سیڤیلەکە لەبەردەم مەترسییەکی گەورەدان.
بەرپرسێکی شاباک بە رۆژنامەی هائارێزی ئیسرائیکی وتووە: ناڕەزاییەکانی دوێنێی قودس لە نزیک ماڵی ناتەنیاهۆ هەموو هێڵێکی سووری تێپەڕاندووە، بە پۆلیسمان وتووە لەکاتی پێویستدا دەستڕێژی گولە بکەن.
جۆ بایدن سەرۆکی ئەمریکا دەڵێت: هەموو توانای خۆم بەکار دەهێنم بۆ فشار خستنە سەر ئیسرائیل بۆ ئەوەی رێگە بدات هاوکارو کۆمەکی زیاتر بگاتە خەڵکی غەزە.