تائیستا 20 دوکان سوتاون
تا دێت ئاگرى بازاڕەکەى دهۆک گەورە دەبێت
964+
زەید کۆچەر- دهۆک
کەمێک پێش ئێستا چەند دوکانێکى بازاڕى دهۆک ئاگرى گرت و زیاتر لە 20 تیمى بەرگرى شارستانى لە شوێنى رووداوەکەن.
زەید کۆچەر پەیامنێرى 964، لە شوێنى رووداوەکەیە و رایگەیاند، بەهۆى ئەوەى بازاڕەکە دوکانى جلوبەرگى ژنانەى لێیە ئەمە بووەتە هۆى تەشەنەکردنى ئاگرەکە.
تائێستا نازانرێت هۆکارى ئاگرەکە چییە، بەڵام بەپێى زانیارییەکانى پەیامنێرى 964، لە بازاڕەکە سیستمى غازى هەیە و مەترسى لەسەرە، بۆیە بەرگرى شارستانى داوا لە خەڵکەکە دەکەن شوێنەکە چۆڵ بکەن.
پەیامنێرى 964، بینیویەتى چەند کەسێک بەهۆى ئاگرەکەوە توشى تەنگەنەفەسى بوون و لەلایەن تیمەکانى تەندروستییەوە چارەسەریان بۆ دەکرێت و کارمەندێکى بەرگرى شارستانیش بۆ نەخۆشخانە گواستراوەتەوە.
داڕشتنەوە: رویا فەتاح
