دیمهنى یهكێك له‌و خانووانهى گهڕهكێكی دهۆك كه بهر لافاوه‌كه‌ى دوێنی كهوتووه... وێنه: 964+
له سندوقى فریاگوزارى
داوا له عێراق كراوه بودجه‌یه‌كی تایبه‌ت بۆ زیانلێكه‌وتووانى لافاوه‌كه‌ى هه‌رێم دابین بكات
964+
فه‌رهاد حه‌سه‌ن
په‌رله‌مانتارێكی كورد له به‌غدا به نووسراوێكی فه‌رمى داواى له سه‌رۆك وه‌زيرانى عێراق كردووه، بۆ زیانلێكه‌وتووانى لافاوه‌كه‌ى هه‌رێمی كوردستان به تایبه‌تیش له دهۆك و زاخۆ، بودجه‌یه‌كى تایبه‌ت دابین بكات.
جەمال کۆچەر، په‌رله‌مانتارى كورد و ئه‌ندامى لیژنه‌ى دارایی په‌رله‌مان به 964ـى وت، پێشتر به‌شێوه‌ی زاره‌كى له‌گه‌ڵ نووسینگه‌ى سه‌رۆك وه‌زیران بۆ ئه‌م بودجه‌یه قسه‌ى كردووه و دوایان لێكردووه بیكاته نووسراو.
وتیشى “له دوێنێوه نووسراوه‌كه‌م ئاڕاسته كردوون و چاوه‌ڕێی وه‌ڵامدانه‌وه‌م”.
ئاماژه‌ى به‌وه‌ش كرد، له عێراق بودجه‌یه‌كی تایبه‌ت به رووداوه له‌ناكاوه‌كان هه‌یه به‌ناوى سندوقى فریاگوزارى و بۆ هه‌موو عێراقه، بۆیه له‌و روانگه‌یه‌وه داواى ئه‌م بودجه‌یه‌ى كردووه.
وتیشی “وه‌ك ماف دهۆك و زاخۆ مافى خۆیانه له‌و سندوقه بودجه‌یان بۆ دابین بكرێت”.
ئه‌م په‌رله‌مانتاره چاوه‌ڕێیه ئه‌مڕۆ له كۆبوونه‌وه‌ى ئه‌نجومه‌نى وه‌زیران باس له بابه‌ته بكرێت، چونكه بابه‌تى لافاو له زۆربه‌ى شاره‌کانى عێراق روویداوه و ئه‌ویش چاوه‌ڕێیه، وه‌ڵامێكى ئه‌رێنێ بۆ زیانلێكه‌وتووانى دهۆك و زاخۆ وه‌ربگرێت.