لەگەڵ شاندێکى گەورە
سەرۆک وەزیران عەلی فالح زەیدی بە سەردانێکی فەرمی گەیشتە واشنتن
964+
وریا فەتاح
ئەمڕۆ دووشەممە، عەلی فالح زەیدی، سەرۆک وەزیرانی عێراق بە سەرۆکایەتیی شاندێکی حکومی و بە سەردانێکی فەرمی گەیشتە واشنتنی پایتەختی ویلایەتە یەکگرتووەکانی ئەمریکا.
ئاژانسی هەواڵی عێراقی بڵاویکردەوە، سەرۆک وەزیران عەلی فالح زەیدی گەیشتووەتە واشنتن و دەست بە سەردانە فەرمییەکەی دەکات.
هاوکات نووسینگەی راگەیاندنی سەرۆک وەزیران لە راگەیەندراوێکدا ئاماژەی بەوە کردووە، بەرەبەیانی ئەمڕۆ دووشەممە، عەلی فالح زەیدی بە سەرۆکایەتیی شاندێکی باڵای حکومی و ئابووری، بەغدای پایتەختی جێهێشتووە و بۆ ئەنجامدانی سەردانێکی فەرمی بەرەو ویلایەتە یەکگرتووەکانی ئەمریکا بەڕێکەوتووە.