گیریانخواردبوو
لە لافاوەکەى دهۆکدا شەش کەس بە هێلیکۆپتەر رزگارکران
964+
زەید کۆچەر-دهۆک
لەلایەن تیمى فڕۆکەوانى و سەنتەرى فریاکەوتنى دهۆکەوە، 10 کەس رزگارکران کە شەش کەسیان لە رێى تیمى فڕۆکەوانییەوە بووە.
تابان فازل، بەرپرسی راگەیاندنی تەندروستی دهۆک بە 964ـى وت،”10 کەس لەلایەن تیمی 122 و فڕۆکەوانی دهۆک لە گەڕەکەکانی بەرۆشکی و گرێ سۆر رزگار کران، کە بەهۆی لافاوەوە گیریان خواردبوو و نەیان دەتوانی خۆیان دەربچن”.
لەو 10 کەسە شەش کەس لەلایەن تیمی فڕۆکەوانی رزگارکران و هەروەها چوار کەس لە لایەن تیمی 122 رزگار کراون و ئێستا هەموو تیمەکان لە ئامادەباشیدان.
بە پێی زانیاری پەیامنێرى 964 لە دهۆک، چوار کەسى دیکەش لە لایەن تیمەکانى هاتوچۆوە لە ناو سەنتەرى دهۆک رزگارکراون.
پێداچوونەوە: وریا فەتاح
