بهڵام دهرمانهكه كیمیاییه
شاخى گۆیژه دهرمانڕێژ كرا بۆ رێگرى كردن له ئاگركهوتنهوه
964+
فهرهاد حهسهن
چهند رۆژێكه تیمهكانى هۆبهى دارستانى گۆیژه له سلێمانى خهریكی دهرمانڕێژكردنى ئهو گیایهن كه ساڵانه له شاخى گۆیژه دهڕوێت و بهڕێوهبهرى دارستانى سلێمانیش دهڵێت، بۆ رێگریكردنە له كهوتنهوهى ئاگر.
بهپێی ئهو گرته ڤیدیۆیهى كه دارستان و پاوانى سلێمانى بڵاویكردووهتهوه، دهردهكهوێت تیمهكان لهرێگهى دهبه و پهمپی رشاندنهوه دهرمانى قڕكهر بهسهر گیاو گۆڵى شاخى گۆیژهدا دهكهن و بۆ ههندێك له شوێنه سهختهكانى ئهو شاخهش لهرێگهى وڵاغهوه كهرهستهو مادهكانیان گواستووهتهوه.
تاریق حهمهغهریب، بهڕێوهبهرى دارستان و پاوانى سلێمانى به 964ـى وت، ئهو دهرمانهى بۆ رشاندن بهكارى دههێنن پێكهاتهكهى لهمادهى كیمیاییه و قڕكهره.
وتیشی “بهناچارى ئهو دهرمانه بهكاردههێنین و دهشزانین كه تاڕادهیهك زیانى بۆ ئاژهڵ و باڵنده و ههنگهكان ههیه، بهڵام لهوه زیاتر نیمانه و ههر ئهو مادهیهش بهكار دههێندرێت”.
ئاماژهى بهوهشكرد، دهرمانڕێژكردنهكه بۆ ئهوهیه رێگرى له رووداوهكانى ئاگركهوتنهوه له شاخى گۆیژه بكرێت.
بهپێی دیمهنى ئەم وێنانەش كه دارستان و پاوانى سلێمانى بڵاویكردووهتهوه، دهبیندرێت جگه لهو گیا و گۆڵهى ئهمساڵ لهنوێوه روواوهتهوه، ههمانكات گیاى وشكبووى پارساڵیش لێ ماوه، كه ئهمهش مهترسی ئاگركهوتنهوهى لێدهكرێت.