دەروازەی پارکی هەواری شار - وێنە: پەیجی پارکەکە لە فەیسبووک
قوتابخانەیەک دابینی کردووە
800 نەمامی زەیتوون لە پارکی هەواری شار دەڕوێندرێن
964+
پێشەوا محەمەد
لە ناو پارکی هەواری شار لە ئەمڕۆوە دەستکراوە بە روواندنی 800 نەمامی زەیتوون، کە لە لایەن قوتابخانەی سەڵاحەدینی ئامادەییەوە دابین کرابوون.
روواندنی نەمامەکان بە هاوکاریی ئیدارەی پارکەکە دەبێت و سبەینێ و دووسبەیش لە روواندنیان بەردەوام دەبن.
فەرەیدوون عومەر، بەڕێوەبەری پارکی هەواری شار بە 964ـی راگەیاند، ئەمڕۆ دووشەممە بە گشتی ئامادەکاری کرا بۆ روواندنی نەمامەکان و سبەینێ و دووسبەیش سەرجەم نەمامەکان دەڕوێندرێن.
وتیشی، “لە چەند هەفتەی داهاتوودا خۆشمان دوو هەڵمەتی گەورەی سەوزکردنی دوو بەشی دیکەی پارکی هەواری شارمان بەدەستەوەیە و ئەنجامی دەدەین”.
روواندنی ئەو نەمامانە لەکاتێکدایە، چەند مانگێکە پارکەکە لەژێر نۆژەنکردنەوەدایە و کارەکانی تەواو بوون و بۆ پێشوازی لە گەشتیاران بۆ وەرزی بەهار و هاوین ئامادەیە.
پاركی هەواری شار، لە سەر رووبەری چوار هەزار و 400 دۆنم زەوی دروست كراوە، دەكەوێتە باكووری رۆژئاوای شاری سلێمانی.
