فۆتۆ: social media
ساڵی 2022 زیاتر لە 50 هەزار نەشتەرگەری جوانکاری ئەنجام دراوە
964+
پێشەوا محەمەد – سلێمانی
لە ساڵی 2022دا زیاتر لە 50 هەزار نەشتەرگەری جوانکاری لە هەرێمی کوردستاندا ئەنجام دراوە و نەشتەرگەری لووت لە پلەی یەکەمدایە. ئەمە ئاماری کۆمەڵەی پزیشکانی جوانکارییە لە کوردستان.
964+ لە زانیارییەکانی کۆمەڵەکەوە دەزانێت؛ لە هەرێمی کوردستان زیاتر لە 130 پزیشکی جوانکاری هەن، کە نزیکەی 90 پزیشکیان پسپۆڕن و ئەوانی تریش موقیم و ئەقدەمن.
د.شاخەوان صائیب، سەرۆکی کۆمەڵەی پزیشکانی جوانکاری کوردستان بە 964+ـی وت: لە پیاوان و ژنانیشدا نەشتەرگەری جوانکاری لووت لە پلەی یەکەمدایە.
نرخی جوانکارییەکان بە پێی جۆری نەشتەرگەرییەکە و لە پزیشکێکەوە بۆ پزیشکێکی تر دەگۆڕێت.
بەپێی زانیارییەکانی پزیشکەکە، نەشتەرگەری پێڵووی چاو و جوانکاری سنگ و سمت و دەرهێنانی چەوریی ورگ و چاندنەوەی قژ لە نەشتەرگەرییە زۆر باوەکانی ترن.
“زیاتر لە 70%ـی ئەوانەی لە کوردستان نەشتەرگەریی جوانکاری دەکەن کچان و ژنانن” د.شاخەوان وای وت.