تۆمەتبارەکە و ئەو کەلوپەلانەى دزیبونى وێنە: پۆلیسى سلێمانى
تەمەنى 53 ساڵە
کەسێک لەسەر دزینى پارچەى ئۆتۆمبێل دەستگیر کرا
964+
وریا فەتاح
لەلایەن پۆلیسى دەربەندیخانەوە، کەسێک لەسەر دزینى چەند پارچەیەکى ئۆتۆمبێل دەستگیرکرا.
پۆلیسى سلێمانى لە راگەیەنراوێکدا بڵاوى کردەوە، دوای ئەوەی هاوڵاتییەك سكاڵای تۆماركرد كە لە دوكانەكەی پارچەی ئۆتۆمبێل و کەلوپەلی جۆراوجۆری لێدزراوە، هێزەكانی پۆلیس لێكۆڵینەوە و بەدواداچوونەكانیان دەستپێكرد و دوای وەرگرتنی بڕیاری دادوەر توانرا لەلایەن مەفرەزەكانی بنكەی پۆلیسی دەرەبەندیخانەوە تۆمەتبار بدۆزرێتەوە و دەستگیر بكرێت.
بەپێى راگەیەنراوەکەى پۆلیس، لە كاتی دەستگیركردنى تۆمەتبارەکەدا، دەست بەسەر ژمارەیەك پارچەی ئۆتۆمبێلدا گیرا، كە تۆمەتبار بردبووی.
تۆمەتبارەکە تەمەنى 53 ساڵە و ئێستا راگیراوە و لێکۆڵینەوە لەگەڵیدا بەردەوامە.
دوو کەس لەسەر دزینی پارچەی ئۆتۆمبێل دەستگیر کران
