پەروەردەی شارباژێر: هەفتەی داهاتوو دەست بە دەوام دەکەینەوە

964+

پێشەوا محەمەد

پەروەردەی شارباژێڕ دەڵێت هەموو هەوڵەکانیان چرکردووەتەوە تا هەفتەی داهاتوو لە سەرجەم قوتابخانەکان دەستبەخوێندن بکەنەوە.

بە پێی زانیارییەکانی 964، بەهۆی ئەوەی بەشێکی زۆری مامۆستای گوندەکان وانەبێژن، هێشتا لە تاق و تەرای قوتابخانەکانی ئەو سنوورە دەست بە خوێندن کراوەتەوە.

لەتیف حسێن، بەڕێوەبەری پەروەردەی شارباژێڕ بە 964ـی راگەیاند، کاریان کردووە و هەوڵی تەواویان داوە هەفتەی داهاتوو دەرگای زۆرینەی قوتابخانەکان بکرێتەوە.

وتیشی، “ئەو بایکۆت و بارودۆخە بۆ هەموو پەروەردەکانی سەر بە بەڕێوەبەرایەتی گشتی پەروەردەی سلێمانی بوو و هیوادارین حکومەتی هەرێمیش داواکارییەکانی مامۆستایان جێبەجێ بکات”.

لە سنووری پەروەردەی شارباژێڕ 99 قوتابخانە بوونیان هەیە، خاوەنی شەش هەزار قوتابی و هەزار و 300 مامۆستان بە وانەبێژ و هەمیشەییەکانەوە.

“کردنەوەی قوتابخانەکان و دەستکردنەوە بە خوێندن بڕیاری وەزارەتی پەروەردەیە و پەروەردەی سلێمانیش بۆ هەموو پەروەردەکانی گشتاندووە”، ئەوەش قسەی لەتیف حسێنە.

نەتەوەیەکگرتووەکان هاوکاری پەروەردەی شارباژێڕ دەکات