کرمێک ئەو دار هەنجیرانەی سیس و لاواز کردووە

964+
ئەحمەد مستەفا

ژمارەیەک جوتیار لە دەشتی شارەزوور داد و بێدادیانە بەدەست کرمێکەوە، چارەنووسی ئەو دار هەنجیرانەی بەرەو دارێکی رەنگ رەش، سیس و لاواز بردووە.

وێنەیان بۆ 964 ناردووە، دەردەکەوێت دارەکە رەنگ و تۆوی گۆڕاوە، بە جۆرێک کە هەستناکرێ ئەمە هەنجیرە دەڵێن، کرمی نیماتۆدا لە دارەکانی داوە.

پسپۆرێک شیکردەوە، نیماتۆدا کرمێکی مارانەییە، نێچیرگر و مشەخۆرن کاریان مانەوەیە لە ناو خاک و رووەکەکانی تا گۆرانکاری لە پێکهاتەکەی دەکەن، وە گیانلەبەری زیندوو و رووەکی ناو خاک بۆ مانەوە خۆیان دەخۆن.

کرمی حەفار جووتیارانی بەرەو چاندنی داری هەنار بردووە

ئاشتی رەئوف، ئەندازیاری کشتوکاڵی ئەوەشی بە 964 وت، ئەم نیشانانە لەبەشەکانی رووەک، لەژێر خاکدا لە “رەگ”دا دەردەکەون، رەگەکە دەشێوێت و گرێ و بالوکە و برینی لێ پەیدا دەبێت، لە ئاکامدا دەڕزێت.

بە قسەی ئەو بێت، زیانی زۆری نیماتۆدا لەو کێڵگانەیە کە بۆ ماوەی چەند ساڵێک بە بەردەوامی بەڕووەکی هەستیار دەچێندرێن، بۆ پێشگیری و قەڵاچۆکردن، ئەو پێی وایە، دانەوێڵە لەو زەوییانەدا بچێنرێت، وە خاکەکەی ژێر ئاوبخرێت، یان بکرێت بەمەرەزە و پەینی زیندەڵ بەکاربهێنرێت.