هێشتا کەس دەستگیرنەکراوە
لەقەزای خەبات تەقە لەکامێرای هەژمارکردنی سەرپێچی هاتوچۆ کرا
964+
شۆڕش هەرکی – هەولێر
ئەمشەو لەقەزای خەباتی پارێزگای هەولێر تەقە لەکامێرایەکی هەژمارکردنی سەرپێچی هاتوچۆ کرا و ئاسەواری چەند گولەیەکی پێوەدیارە.
بێباک مستەفا بەڕێوەبەری هاتوچۆی قەزای خەبات، بۆ 964 قسەیکردووە دەڵێت، “خەریکی بەدواداچوون و پشکنینین”.
بەڕێوەبەری هاتوچۆی قەزای خەبات، ئەوەش دەڵێت، تاوەکو ئێستا هیچ کەسێک دەستگیرنەکراوە و لێکۆلینەوە بەردەوامە.
لەماوەی رابردوودا چەندجارێک لە شارە جیاوازەکانی هەرێم تەقە لە کامێرای هەژماری سەرپێچی هاتوچۆ کراوە.