کارمەندانی بەشی باخچەکانی شارەوانیی حاجیاوا لە کاتی روواندنی دارەکاندا - وێنە: شارەوانیی حاجیاوا
150 داری تێدا رووێندراوە
لە حاجیاوا دووسایدی سەنتەری گەنجان بۆ کفرەدۆڵ سەوز دەکرێت
964+
پێشەوا محەمەد
بەشی باخچەکانی شارەوانی ناحیەی حاجیاوا 150 داری لە دووسایدی سەنتەری گەنجان بۆ کفرەدۆڵ روواندووە و بڕیارە نەمامی زیاتری تێدا بچێندرێت.
درێژیی دووساییدەکە کەمتر لە کیلۆمەترێکە و دارەکان زۆرینەیان سنەوبەر بوون.
هیوا عەبدوڵا، ئەندازیار لە بەشی باخچەکانی شارەوانیی حاجیاوا بە 964ـی راگەیاند، دارەکان لە نەمامگەی دوکان وەرگیراون و بڕیار وایە نەمامی زیاتر لەو دووسایدە بچێندرێت.
وتیشی، “ئێستا دووسایدەکە ئاوی نییە، بەڵام ئاوی لێوە نزیکە و بە ملیۆنێک دینار بۆی دەپەڕێنینەوە و کێشەی ئاوی نابێت”.
لەناو سەنتەری ناحیەی حاجیاوا نزیکەی 26 باخچە و پارکێکی خێزانی هەیە و رێژەی سەوزایی تێیدا نزیکەی 9%ـیە.
“پڕۆژەکانی زیادکردنی سەوزایی لە سنوورەکەمان بەردەوام دەبن و بەردەوامییان دەبێت بۆ زیاترکردنی رێژەی سەوزایی”، ئەوەش قسەی هیوا عەبدوڵایە.
ناحیەی حاجیاوا دەکەوێتە ئیدارەی سەربەخۆی راپەڕین و لە سنوری پارێزگای سلێمانیدایە.
