پۆلیسی هەڵەبجە: دەستگیرکردنی تۆمەتباران بە سەرکەوتوویی بەڕێوەدەچێت

964+

پێشەوا محەمەد

لیژنەی ئۆپراسیۆنە هاوبەشەکانی پارێزگای هەڵەبجە رایدەگەیەنێت، کارەکانی دەستگیرکردنی ئەو تۆمەتبارانەی لە لایەن دادگاوە داواکراون بە سەرکەوتوویی بەڕێوە دەچێت.

لیژنەکە ئەمڕۆ یەکشەممە 17.12.2023 کۆبووەتەوە و میکانیزمی گەڕان بە دوای تۆمەتبارانی تاوتوێ کردووە.

بەرزان عوسمان، وتەبێژی لیژنەی ئۆپراسیۆنە هاوبەشەکانی پارێزگای هەڵەبجە بە 964ـی راگەیاند، کارەکانی لیژنەکە تاوتوێ کران و بە سەرکەوتوویی بەڕێوەدەچێت.

وتیشی، “لیژنەکە لە پۆلیس، ئاسایش، پێشمەرگە، پێشمەرگەی بەرگری و فریاکەوتن، هەواڵگری پێشمەرگە، بەڕێوەبەرایەتیی بەرەنگاربوونەوەی تووندوتیژیی دژی ژنان پێکدێت”.

بە پێی ئاماری بەڕێوەبەرایەتیی گشتی پۆلیسی هەرێم، لە هەرێمی کوردستان هەزار و 422 کەس لە لایەن دادگاوە داواکراون و 13 لەوان لە سنووری پارێزگای هەڵەبجەن و دەستگیر نەکراون.

کەسێک بە تۆمەتی کوشتن لە هەڵەبجە دەستگیرکرا