لە دهۆک زەوی بۆ 20 کارگە دابین دەکرێت

964+

پێشەوا محەمەد

وەبەرهێنانی دهۆک رەزامەندی لەسەر پێدانی زەوی داوە بە 20 کارگە و بەڕێوەبەرەکەشی دەڵێت، بەشێک لە زەوییەکان لە ناوچەی پیشەسازین و بەشێکیان لە دەوروبەری دهۆک دەبن.

کارگەکان بریتین لە بەرهەمهێنانی نایلۆن، زەیت، کارگەی دارتاشی، ئاسنگەری، کەلوپەلی پزیشکی، پلاستیک، قیری شل،

تانکی پلاستیکی، سیرامیک، کاربۆناتی کالسیۆم، گەچ و کلێنس و چەند کارگەیەکی دیکە.

هەڤاڵ سدیق، بەڕێوەبەری وبەەرهێنانی دهۆک بە 964ـی راگەیاند، گفتوگۆیەکی زۆر لەنێوان لایەنە پەیوەندیدارەکان کرا و دواجار بڕیاری دابینکردنی ئەو زەوییانە دراوە، کە بەشێکیان لەناو ناوچەی پیشەسازین و بەشێکیان لە دەوروبەری دهۆک دابین دەکرێن.

وتیشی، “لەگەڵ دەستبەکاربوونی ئەو کارگانە 600 هەلی کار دەڕەخسێنن و پێویستە 75%ـی دەستی کاریان ناوخۆیی بێت بە پێی کارنامەی کابینەی نۆی حکومەتی هەرێم”.

بە پێی زانیارییەکانی بەڕێوەبەرایەتی وەبەرهێنانی دهۆک، لە کابینەی نۆدا بە بڕی 900 ملیۆن دۆلار وەبەرهێنان کراوە.

لە دهۆک مۆڵەتی کەرتەکانی گەشتیاری و بازرگانی پێشەنگن