دەروازەی نێودەوڵەتی باشماخ لە قەزای پێنجوێن _ وێنە: راگەیاندنی کۆمەڵگەی باشماخ
قیتارەکەی سنە دەگاتە سلێمانی
سلێمانی دەبەسترێتەوە بە هێڵی شەمەندەفەرەوە
+964
شوان عباس بەدری
ئەمڕۆ پێنجشەممە سەرچاوەکانی هەواڵی ناوخۆی ئێران بڵاویان کردەوە، هێڵی شەمەندەفەری هەمەدان- سنە تا مەرزی باشماخی سەر سنووری سلێمانی – مەریوان درێژدەبێتەوە.
سەبارەت بەم بابەتە پارێزگاری سنە رایگەیاند، هەوڵێکی جدی لە ئارادایە بۆ درێژکردنەوەی ئەو هێڵە تا سەر سنوور و کۆشش دەکەین بڕە بودجەیەکی بە زووترین کات بۆ تەرخان بکەین.
هێڵی شەمەندەفەری کوردستان 177 کیلۆمەترە و حەوت وێستگەی سەرکەوتن و دابەزینی هەیە، لە هەمەدانەوە دەستپێدەکات تا گەردەنەی سەڵاوات ئابادی سنە، بڕیاریشە ئەم هێڵە لە قۆناغی دووەمدا تا سنووری پارێزگەی سلێمانی (باشماخ) بگات.