پێشوازى لە بڕیارەکە دەکات

مەزڵوم عەبدی: دەرهێنانی سوریا لە لیستی تیرۆر دەرگا بەڕووی قۆناغێکی نوێ دەکاتەوە

964+

وریا فەتاح

فەرماندەی گشتیی هێزەکانی سوریای دیموکرات (هەسەدە)، پێشوازی لە بڕیاری لابردنی ناوی سوریا لە لیستی ئەو وڵاتانە دەکات کە پاڵپشتیی تیرۆر دەکەن و بە هەنگاوێکی گرنگی دەزانێت.

مەزڵوم عەبدی، فەرماندەی گشتیی هەسەدە لە هەژماری تایبەتی خۆی لە تۆڕی کۆمەڵایەتیی (ئێکس) پەیامێکی بڵاوکردووەتەوە و دەڵێت، “ئەم بڕیارە هەنگاوێکی گرنگە بۆ راستکردنەوەی پەیوەندییە نێودەوڵەتییەکان”.

دەشڵێت، بڕیارەکە دەرگا بەڕووی قۆناغێکی نوێ لە سەقامگیری، گەشەپێدان و کارکردن بۆ داهاتووی وڵات دەکاتەوە.

لە کۆتایی پەیامەکەیدا مەزڵوم عەبدی ئاماژەی بەوە کردووە، ئەوە دەستکەوتێکە بۆ هێنانەدیی ئاواتەکانی گەلەکەیان لە ئاسایش، ئاشتی و گەشەسەندندا.

دوێنێ دووشەممە، 24ی ئابی 2026، تۆم باراک لە پەیامێکدا لە ئێکس رایگەیاند، مارکۆ روبیۆ، وەزیری دەرەوەی ئەمریکا، بە فەرمی پۆلێنکردنی سووریای وەک “دەوڵەتێکی تیرۆریست” هەڵوەشاندەوە.