فیلمەکەی لەبارەی بەنداوەکانە
کچە دەرهێنەرێکی باکوری کوردستان خەڵاتێکی جیهانی بردەوە
964+
پەری ساڵح
خانمە دەرهێنەری باکوری کوردستان جەمیلە شاهین، لە دوای بەرهەمهێنانی فیلمێک بەناوی “چوار هۆنراوە بۆ باوکم-بەهار” بووە براوەی خەڵاتی جیهانی سیریکای بۆ ساڵی 2023.
فیلمی “چوار هۆنراوە بۆ باوکم-بەهار” باس لە پرۆژە و دروستکردنی بەنداوەکان دەکات لە باشوری رۆژهەڵاتی ئەنادۆڵ، کە بووەتە هۆی زیان گەیاندن بە خەڵکی باکوری کوردستان و ژێرئاوکەوتنی بەشێک لە گوندەکان.
لەنێوان هەزاران بەرهەم کە پاڵێورابوون بۆ خەڵاتی نێودەوڵەتی سیریکا، فیلمەکەی جەمیلە شاهین توانی وەک داهێنەری بواری هونەر و ئەدەب خەڵاتەکە بباتەوە.
جەمیلە شاهین، 33 ساڵ تەمەنیەتی و لە ئەڵمانیا لەدایکبووە و بە رەگەز خەڵکی شاری دەرسیمی باکوری کوردستانە، نوسەر و پەیکەرساز و دەرهێنەرێکی بەناوبانگە و یەکەم رۆمانی بەناوی “تاکسی” لە ساڵی 2019 بڵاوکردەوە.
خەڵاتی سیریکای نێودەوڵەتی، ساڵانە دەبەخشرێتە داهێنەرانی بوارەکانی هونەر و چالاکەوان و ئەدەب موزیک فیلم و چەندین بواری دیکە لە لەندەن و ئەڵمانیا .
