بۆ یەکەمجار ئامێرێکی پزیشکی نوێ هێنراوەتە نەخۆشخانەی خانەقین

964+

راژان باجەڵان – خانەقین

ئامێرێکی پزیشکی نوێ بۆ یەکەمجار لەسەر ئاستی پارێزگای دیالە لە نەخۆشخانەی خانەقین خرایە خزمەتی هاوڵاتییان.

د.شوان شاکر بەڕێوەبەری نەخۆشخانەی گشتی خانەقین بە 964ـی وت، ئەمڕۆ دووشەممە بۆ یەکەمجار لەسەر ئاستی پارێزگای دیالە ئامێرێکی پزیشکییان خستە خزمەتی هاوڵاتییان کە ئەویش کاری دۆزینەوەی دەمارە بە ئاسانی بۆ ئاسانکردنی دانانی کانولە بۆ نەخۆشەکان.

ئەم ئامێرە بە تایبەت بۆ ئەو کەسانە بەکاردێت کە دەمارەکانیان بە ئەستەم دەدۆزرێتەوە بە تایبەت لە منداڵان و ژنان.

ئامێرەکە لە رێگەی ناخۆشخانەکە و چەند کەسێکی تری خێرخوازەوە کڕدراوە و بە ئامانجی خزمەتکردنی هاوڵاتیانی خانەقین کە روودەکەنە نەخۆشخانەکە بۆ چارەسەرکردن.

پێداچوونەوە: توانا نەقی