پێنج کەس بە شەش کیلۆ مادەی هۆشبەرەوە دەستگیرکران
+964
هاوبەش ئەبوبەکر
لە سنووری ئیدارەی راپەڕین و شاری سلێمانی، ئاسایش دەستیگرت بەسەر شەش کیلۆ مادەی هۆشبەر لە جۆری شیشە و ماریجوانە.
ئەمڕۆ دووشەممە 21.8.2023، عەقید سەلام عەبدولخالق وتەبێژی ئاسایشی سلێمانی بە 964ـی راگەیاند، ئەو بڕە مادەی هۆشبەرە بە پێنج تۆمەتبار بووە کە بەکارهێنەر و بازرگانی مادەی هۆشبەر بوون، ئەوانیش لە رێکەوتی 19.8.2023 دەستگیر کراون.
تۆمەتبارەکان تەمەنیان لە نێوان 28 بۆ 62 ساڵیدایە و بەپێی مادەکانی 25، 26 و 30ـی سزادانی عێراقی راگیراون و لێکۆڵینەوەیان لەگەڵدا دەکرێت.
به پێی ئامارێكی ئهنجومهنى ئاسایشی ههرێم، تەنیا له ماوهى چوار مانگى یهكهمى ئهمساڵدا 667 کەس بە تۆمەتی بازرگانی و بەکارهێنانی مادەی هۆشبەر لە کوردستان دەستگیر کراون و دەستبەسەر 45 کیلۆ و 80 گرام مادەی هۆشبەر، 530 کیلۆگرام حەبی هۆشبەری فەل لە جۆری کاپتاگۆن، دوو هەزار و 774 شیت حەبی هۆشبەر لە جۆری ترامادۆڵ و 70 کیلۆگرام دەرمانچای کە تێکەڵ کراوە بە مادەی هۆشبەری جۆری هیرۆین دەستیان بەسەردا گیراوە.