ئاگره‌كه‌ى شه‌وى رابردووى شارباژێڕ 10 هه‌زار دۆنمى سووتاند

964+
فه‌رهاد حه‌سه‌ن

دره‌نگانى شه‌وى رابردوو ئاگرێكی گه‌وره‌ له‌ سنوورى شارباژێڕ كه‌وته‌وه‌ و بووه‌ هۆى سووتانى نزیكه‌ى 10 هه‌زار دۆنم، له‌ دارستانی سروشتی و پوش و پاوان.

ئاگره‌كه‌ لە سنووری گوندەکانی بارێی گەورە، بارێی بچووك، موسەك و تیمار کەوتبووەوە.

بەڕێوەبەرایەتیی پۆلیسی دارستان و ژینگەی پارێزگای سلێمانی به‌م به‌یانییه‌ بڵاویكرده‌وه‌، بەهۆی سەختیی شوێنى ئاگره‌كه‌ و بوونی مین و تەقەمەنی، نه‌یانتوانیوه‌ به‌ئاسانى ئاگره‌كه‌ کۆنترۆڵ بكه‌ن.

ده‌شڵێت، بە هاوکاری ئاگرکوژێنەوەی قەزای شارباژێڕ و پۆلیسی پاسەوانی سنوور و هاوڵاتیانی سنوورەکە، توانیان ئاگرەکە کۆنتڕۆڵ بکەن .