نرخی نەوت ژمارەی پێوانەیی تۆمارکرد

964+

فەهمی نەبی

ئێوارەی ئەمڕۆ کتوپڕ نرخی نەوت ژمارەیەکی نوێی تۆمارکرد و دوو دۆلار بۆ هەر بەرمێلێک سەرکەوت، بەجۆرێک هەر بەرمیلێک نەوتی برێنت گەیشتە 82 دۆلار و 89 سەنت.

لەکاتی ئامادەکردنی ئەم هەواڵە، هەر بەرمیلێک نەوتی برێنت 82 دۆلار و 83 سەنتە.

تۆمارکردنی ئەم نرخە لەکاتێکدایە، ئەمڕۆ لەکاتی کردنەوەی بازاڕەکان نرخی بەرمیلێک نەوت 80 دۆلار و 35 سەنت بوو.

لەماوەی سێ مانگی رابردوو ئەوە یەکەمجارە ئاستی نرخی نەوت 82 دۆلار تێپەڕێنێت.

نرخی نەوتی سوکی تێکساس 79 دۆلار و شەش سەنتە و بەراورد بە کاتی کردنەوەی دۆلارێک زیاتر بووە.

بەرزبوونەوەی نرخی نەوت لە کاتێکدایە، لە رۆژی چواری حوزەیران ئەندامانی رێکخراوی ئۆپیک رێککەوتن لەسەر کەمکردنەوەی هەناردەکردنی نەوت بۆ بازاڕەکانی جیهان، سعودیە یەکێک لە گەورە وڵاتانی هەناردەکردنی نەوت رایگەیاندبوو ئەوان رۆژانە یەک ملیۆن بەرمیل کەمدەکەنەوە.