دیمهنى داخستى دهرگاى یهكێك له كۆمپانیاكان .. وێنه: KMCA
لە ھەولێر دوو کۆمانیای ھاوردەکردنی دەرمان داخران
964+
فه‌رهاد حه‌سه‌ن
دامەزراوەی کۆنتڕۆڵکردنی دەرمان بڵاویكرده‌وه، ئه‌مڕۆ دوو كۆمپانیاى هاورده‌كردنى ده‌رمانیان له هه‌ولێر داخستووه، چونكه ده‌ڵێت، پابەند نه‌بوونه بە مەرج و رێنماییەکانیان.
دامەزراوەی کۆنتڕۆڵکردنی هێنان و دروستکردنی دەرمان و ئامێر و پێداویستیی پزیشکی كه به KMCA ناسراوه، له راگه‌یه‌ندراوێكدا باس له‌وه ده‌كات كه تیمی چاودێری بازاڕ بە ھاوکاری پۆلیسی شارەوانی قایمقامیەتی قەزای ناوەندی ھەولێر پشکنینیان بۆ چەند کۆمپانیایەکی ھاوردەکردنی دەرمان کرد، لە ئەنجامی پشکنینەکە دوو کۆمپانیا بەھۆکاری سەرپێچیکردن و پابەند نەبوون بە رێنماییەکانی وەزارەتی تەندروستی و کوالێتی کۆنتڕۆڵ داخران.
ئه‌و دامەزراوەیه بێ ئه‌وه‌ى وورده‌كارى هۆكارى داخستنى ئه‌و دوو كۆمپانیایه بڵاوبكاته‌وه، ئاگاداری سەرجەم کۆمپانیاکانی ھاوردەکردنی دەرمانى كردووه‌ته‌وه، كه پابەندی رێنماییەکانیان بن و بە پێچەوانەوە رووبەڕووی سزای یاسایی توندیان دەکاتەوە.