تەرمی گەنجێک لە خابوور دۆزرایەوە

+964

شڤان عەبدوڵا زاخۆ

کەمێک پێش ئێستا تەرمی گەنجێک لە رووباری خابوور لە زاخۆ دۆزرایەوە.

گەنجەکە تەمەنی 24 ساڵە و خەڵکی روژئاوای کوردستانە.

جەمال هەسن، بەڕێوەبەری بەرگری شارستانی مردنی گەنجەکە پشتڕاستیکردەوە و بە 964ـی وت، کاتژمێر  5:30ـی ئێوارە تەرمی ئەو گەنجەیان لە خابوور دەرهێناوە و رەوانەی پزیشکی دادی کراوە.

ئەمیر عەلی، بەڕێوەبەری راگەیاندنی تەندروستی زاخۆ بە 964 وت، ئێستا تەرمی گەنجەکە لە پزیشکی دادییەو لێکۆڵینەوە لە هۆکاری مردنی ئەو گەنجە بەردەوامە.

پێداچوونەوە: توانا نەقی