لە کارگەیەک تەقینەوە روویدا

لە بەسڕە دوو کرێکار گیانیان لەدەستدا و 114ـی دیکەش بریندارن

964+

شۆڕش قادری

دوای تەقینەوەکەی بەسڕە، دوو کەس گیانیان لەدەستدا و نزیکەی 115 کەسی دیکەش برینداربوون.

درەنگانی شەوی رابردوو لە کارگەیەکی بەرهەمهێنانی پەینی کیمیایی لە بەسڕە تەقینەوەیەک روویدا و بووەهۆی بڵابوونەوەی غازی ئەمۆنیا، بەپێی دوایین ئامارەکان بەهۆی غازەکەوە دوو کرێکار خنکاون و 114 کەسی دیکەش برینداربوون.

دوای رووداوەکە هەرزوو ئەسعەد عیدانی پارێزگاری بەسڕە چووە کارگەکە و قسەی بۆ پەیامنێری بەشی عەرەبی 964 کرد و وتی، دۆخەکە کۆنتڕۆڵ کراوە و باری تەندروستی بریندارەکانیش جێگیرە.

داوایشی کرد، لێکۆڵینەوەی بەپەلە لە رووداوەکە بکرێت و کەمتەرخەمەکان سزا بدرێن.