دهۆک لە یاریگای خۆی شکستیهێنا

964+

زەید کۆچەر – دهۆک

یانەی دهۆک لە یاریگای خۆی تووشی شکست هات و لە گەڕی 37 یانە نایابەکانی عێراق بەرامبەر یانەی حدود دوو بە سفر یارییەکەی دۆڕاند.

یارییەکە ئێوارەی ئەمڕۆ شەممە 15.7.2023 بەڕێوەچوو.

سەرەتا یانەی دهۆک هێرشی زیاتری دەبرد، بەڵام لە خولەکەکانی 16 و 41ـی گێمی یەکەمدا یانەی حدود دوو گۆڵەکەی خۆی لەلایەن محەمەد سویعدەوە تۆمار کرد.

لە گێمی دووەمی یارییەکەدا یانەی دهۆک زۆر هەوڵی دا ئەنجامی یارییەکە یەکسان بکاتەوە، بەڵام یانەی حدود رێگری لە هەوڵەکانی یانەی بەرامبەری کرد بگەنە تۆڕی گۆڵەکەیان.

لە یارییەکەدا یاریزان ئەکاتی جنامای یاریزانی یانەی حدود دوو کارتی زەردی وەرگرت و کرایە دەرەوەی یارییەکە.

ئێستا دهۆک لە ریزبەندیی 12ـەهەمینی خولەکەدایە و خاوەنی 49 خاڵە.

پێداچوونەوە: پێشەوا محەمەد