دیمهنى یهكێك له قهلابهكان لهكاتى رۆكردنى مادهبهسهرچووهكان.. وێنه قایمقامیه‌تى قه‌ڵادزێ
له قه‌ڵادزێ نۆ تۆن ماده‌ى به‌سه‌رچوو له‌ناوبران
964+
فه‌رهاد حه‌سه‌ن
لیژنە تایبەته‌كانى قایمقامیەتى قه‌ڵادزێ، ماوه‌ى شه‌ش مانگه هه‌رچی كه‌لوپه‌ل و خۆراك و ماده‌ى به‌سه‌رچوو ده‌ستیان به‌سه‌ردا گرتبوو، ئه‌مڕۆ له‌ناویان برد.
ته‌واوى خۆراك و ماده به‌سه‌رچووه‌كان نۆ تۆن بوون، به چه‌ند ئوتومبێلێكی قه‌لاب بردیانه شوێنێكی دوور له ئاوه‌دانى قه‌ڵادزێ و له‌ناویان بردن.
لیژنە هاوبەشەکانی قایمقامیەت بە هاوکاری هۆبەی ئابووری یاردەدەرێتی ئاسایشی قەڵادزێ و مەڵبەندی خۆپاراستنی تەندروستی پشدەر و بنکەی پۆلیسی شارەوانی قەڵادزێ و بنکەکانی ئاسایشی سەنگەسەر، هەڵشۆ، هێرۆ، ژاراوە، ئیسێوە و زەڵێ، له‌سه‌ره‌تاى ئه‌مساڵه‌وه تا ئێستا دەستیان بەسەردا گرتبوو.
قایمقامیه‌تى قه‌ڵادزێ، بڵاویكردووه‌ته‌وه، ئه‌و كاره‌یان له‌پێناو پاراستنی تەندروستی و سەلامەتی هاوڵاتیان ئه‌نجامداوه.
ئاماژه‌ى به‌وه‌شكردووه، كه خۆراك و كه‌لوپه‌لانه له‌ماوه‌ى ئه‌م شه‌ش مانگه‌دا له شوێنێك كۆكرابوونه‌وه ئه‌مڕۆ سێشه‌ممه له‌ناو بران.