دیمهنێك له ههنجیرى ناحیه‌ى ته‌قته‌ق.. وێنه: سۆسیال میدیا
له ته‌قته‌ق فێستڤاڵى هه‌نجیر سازده‌كرێت
964+
فه‌رهاد حه‌سه‌ن
بڕیاره له مانگى ئابی ئه‌مساڵ، له ناحیه‌ى ته‌قته‌ق، فێستڤاڵى هه‌نجیر سازبكرێت و به‌ڕێوه‌به‌رى ناحیه‌ش ده‌ڵێت، له ئێستاوه ئاماده‌كاریان بۆ كردووه.
ساڵى پار یه‌كه‌مین فێستڤاڵ له 2.9.2022 سازكرا، تیایدا جگه له هه‌نجیر، چه‌ندین میوه‌ى دیكه‌ى خۆماڵی و چالاكى جۆراوجۆرى تێدا نمایش كرابوون.
ته‌قته‌ق به هه‌نجیره‌كه‌یه‌وه به‌ناوبانگه، هه‌روه‌ك جوتیاره‌كان ده‌ڵێن، شیرینی و گه‌وره‌یی مانه‌وه‌ى هه‌نجیره‌كه‌یان له خه‌سڵه‌ته باشه‌كانیه‌تى.
به‌پێی زانیارییه‌كانى 964 ساڵى پار له واده‌ى په‌یدا بوونى هه‌نجیر، رۆژانه لانیكه‌م 40 تۆن ده‌چووه هه‌ردوو گومرگه‌كه‌ى میوه و سه‌وزه‌ى ناحیه‌ى ته‌قته‌ق.
ئاسۆ مسته‌فا، به‌ڕێوه‌به‌رى ناحیه، به 964ـى راگه‌یاند، ئه‌مساڵیش به وردى كاریان له‌سه‌ر ئاماده‌كردنى ئه‌و فێستڤاڵه كردووه.
وتیشی “رۆژى 17.8.2023 فێستڤاڵه‌كه ده‌ستپێده‌كات و ماوه‌ى چه‌ند رۆژێك ده‌خایه‌نێت”.