نرخی ماسی حەوز دادەبەزێت

964+

دیلان محەمەد جەزا

ماوەیەکە نرخی ماسی حەوز بەشێوەیەکی بەرچاو بەرز بووەتەوە، ئەوەش بەھۆکاری قەدەغەکردنی راوی ماسی، بەڕێوەبەری چاودێری بازرگانی دەڵێت، وردە وردە نرخ دادەبەزێت.

دوێنێ پێنجشەممە، قەدەغەی راوە ماسی دوای 100 رۆژە ھەڵگیرا، بە کەوتنە بازاڕی ماسی چەم و دەریاچەکان نرخی ماسی حەوزیش دادەبەزێت.

ئێستا نرخی ماسی حەوز بۆ ھەر کیلۆیەک لە شەش ھەزار بۆ ھەشت ھەزار دینار ھەیە لە بازاڕدا، بەپێی قەبارەی ماسییەکان نرخەکان دەگۆڕێت.

سۆران غەفور، بەڕێوەبەری چاودێری بازرگانی سلێمانی بە 964ـی راگەیاند، بەھۆی دەستپێکردنی وەرزی راوی ماسی وردە وردە نرخی ماسی حەوز دادەبەزێت لە بازاڕدا.

چاوەڕوان دەکرێت لە چەند ھەفتەی داھاتوودا نرخی ماسی بگاتەوە نرخی پێشووی بۆ ھەر کیلۆیەک چوار ھەزار دینار.

پێداچوونەوە: توانا نەقی