کارەبای قەزای دوکان کەم ناکرێتەوە

964+

دیلان محەمەد جەزا

دەنگۆی کەمکردنەوەی کارەبای نیشتمانی قەزای دوکان بڵاوبووەتەوە، وتەبێژی کارەبای سلێمانیش دەڵێت، حاڵەتێکی ئاساییە و وەک خۆی لێدێتەوە.

بەهۆی چاکسازی لە کارەکانی کۆمپانیای دانە غاز، کاتژمێرەکانی کارەبای نیشتمانی لە سنوری پارێزگای سلێمانی چەند کاتژمێرێک کەمبووەتەوە.

سیروان محەمەد وتەبێژی کارەبای سلێمانی بە 964ـی راگەیاند، هیچ بڕیارێک نیە بۆ کەمکردنەوەی کارەبای قەزای دوکان، تەنیا بەهۆی چاکسازی کۆمپانیای دانە غازەوە کارەبایان کەمبوەتەوە و لە چەند رۆژی داهاتو چاک دەبێت.

پێداچوونەوە: توانا نەقی