دەستبەسەر 40 کیلۆدا گیراوە

وریابە لەجیاتی هەنگوین شیلەی پاقلاوەت پێنەفرۆشن

964+

پێشەوا محەمەد – سلێمانی

لە شاری هەڵەبجە دەستبەسەر 40 کیلۆگرام شیلەی پاقلاوەدا گیرا، کە کرابووە شانەی هەنگەوە و وەک هەنگوین دەفرۆشرا.

شیلەکە خۆی تامی هەنگوینی تێدەکرێت و بەسەر پاقلاوە و شیرینیدا دەکرێت.

قایمقامیەتی هەڵەبجە ئەمڕۆ یەکشەممە 28.5.2023 بڵاویکردووەتەوە، سەرەڕای ئەوەی شیلەکە خرابووە شانەی دەستکردەوە، هاوکات بە شێوەی ناتەندروستیش گواستراوەتەوە.

ئاماژە بەوەشدراوە، شیلەکە بەشێوەی تەندروست لەناوبراوە.