دیمەنێکی یاریی زاخۆ و سلێمانی. فۆتۆ: +964
یانه‌ی زاخۆ خۆی له خولی نایابی كوردستان هێشته‌وه
964+
شۆڕش هەرکی – هەولێر
لە یاریی پاشکۆی خولی نایابی کوردستان له تۆپی پێ، یانه‌ی زاخۆ له یانه‌ی سلێمانیی برده‌وه و مانه‌وه‌ی خۆی له خولی نایاب مسۆگه‌ر كرد.
یارییەکە ئێواره‌ی ئه‌مڕۆ له یاریگه‌ی یانەی هەندرێن له هه‌ولێر كرا و یانه‌ی زاخۆ یارییه‌كه‌ی به ئه‌نجامێكی گه‌وره و به 4-0 گۆڵ برده‌وه.
گۆڵه‌كانی یانه‌ی زاخۆ یاریزانان “یوسف ئەیوب، سیپان سدیق، خالید رازی و هۆگر عه‌بدال له خوله‌كه‌كانی 29، 32، 47 و 90 تۆماریان كرد.
ئه‌م وه‌رزه فیدراسیۆنی كوردستان سیستمی یاریی پاشكۆی له خولی نایاب په‌یڕه‌و كرد، كه له نێوان تیپی خاوه‌ن پله‌ی سێیه‌می خولی پله یه‌ك “یانه‌ی سلێمانی” و تیپی خاوه‌ن پله‌ی 14ی خولی نایاب “یانه‌ی زاخۆ” رێكخست و براوه‌یان له خولی نایاب ده‌بێت، ئه‌م ده‌رفه‌ته یانه‌ی زاخۆ قۆستییه‌وه و شوێنی خۆی له خولی نایابی كوردستان بۆ وه‌رزی داهاتوو مسۆگه‌ر كرد.
پێداچوونه‌وه: ئه‌رسه‌لان عه‌بدوڵا
