فۆتۆ: +964
رێکخراوێک 555 سەرمەڕ به خۆڕایی دابه‌ش ده‌كات
+964
عەمار عەزیز
رێکخراوێکی ئیتالی 555 سەرمەڕی به‌سەر 30 جووتیاری سنووری قەزای شێخان و بێ بەرامبەر دابەش کرد، هەر دوو جووتیار پێکەوە 37 سەرمەڕیان وەرگرت.
ئەحمەد جەمیل، بەڕێوەبەری گشتیی چاندن لە دهۆک بە تۆڕی 964ی وت، “رۆژی 4.4.2023 رێکخراوی AVSIئیتالی بە هەماهەنگی لەگەڵ بەڕێوەبه‌رایەتییەکەمان 555 سەرمەڕی به‌سه‌ر 30 جووتیار دابه‌ش كرد.
وتیشی، 15 جووتیاری نیشتەجێی سنوری قەزای شێخان لەگەڵ 15 جووتیاری ئاوارەی شنگال، کە ئێستا لە کەمپەکانی سنووری قەزای شێخان دەژین، له‌و پرۆژه‌یه سوودمه‌ند بوون”.
“هەر دوو جووتیار پێکەوە 37 سەرمەڕیان وەرگرت و بێ بەرامبەریش بوو، ئامانج لێی هاوکاریکردنی جووتیارەکانی سنوری قەزای شێخانە، هاوکات گرنگیدانە بە بەخێوکردنی سامانی ئاژەڵ، هەموو خەرجییەکی ئەم پرۆژەیەش لە ئه‌ستۆی رێکخراوەکەیه”، ئەحمەد جەمیل وای وت.
هه‌روه‌ها ده‌ڵێت، پڕۆژەی رێکخراوەكه تەنیا بۆ قەزای شێخان بوو، لەسەر داواکاری ئەوانیش ئه‌و قەزایه دەستنیشان کرابوو.
پێداچوونەوە: ئەرسەلان عەبدوڵا