رێگای بەدیل بۆ شۆفێران دروست دەکرێ
بۆ ئەندەرپاسی سەهۆڵەکە تابلۆ و لەوحەکان داگیران
964+
رازاو محەمەد – سلێمانی
وەک ئامادەکاری بۆ دەستبەکاربوونی کرێکار و ئەندازیاران لەسەر ئەندەرپاسی سەهۆڵەکە، تابلۆ و لەوحەکانی دەورووبەری شەقامەکە داگیران.
هەر لە ئێستاشەوە ئیش لە گەڕەکەکانی دەوروپشتی جادەی سالم دەکرێت، بۆ ئەوەی لەکاتی داخستنی شەقامەکە، هاتوچۆ پەکی نەکەوێ و وەک رێگای بەدیل بەکاربهنرێن، بەقسەی ئەنجومەن حسێن وتەبێژی شارەوانی سلێمانی، زیاتر لە 7 ملیار و 800 ملیۆن دینار بۆ پڕۆژەکە تەرخانکراوە، ماوەی جێبەجێکردنی 450 رۆژە و دەبێت کۆتایی ساڵی داهاتوو و رێک رۆژی 14.12.2027 تەواو ببێت.
پڕۆژەکە لەلایەن کۆمپانیای سوپەر پاوەر و بەسەرپەرشتی سەرۆکایەتی شارەوانی سلێمانی ئەنجام دەدرێت.
پێداچوونەوە؛ شۆڕش قادری