سێ کەس بە سەختی بریندارن لە رووداوە هاتوچۆکەدا

دەریا ئەحمەد – کۆیە

نیوەڕۆی ئەمڕۆ چوارشەممە لەسەر رێگای کۆیە – تەقتەق لە نزیک بازگەی تۆبزاوە رووداوێکی سەختی هاتوچۆ لە نێوان تاکسییەک و بارهەڵگرێکدا روویدا

دیاکۆ هەڵۆ بەرپرسی فریاکەوتن لە نەخۆشخانەی شەهید دکتۆر خالید لە کۆیە بە 964ـی وت، لە رووداوەکەدا ژنێکی تەمەن 40 ساڵ گیانی لەدەستداوە و سێ هاوڵاتی تریش بە سەختی بریندار بوون.

وتیشی، بریندارەکان کە ژنێک و دوو پیاون، بارودۆخی تەندروستیان ناجێگیرە و رەوانەی نەخۆشخانەکانی هەولێر دەکرێن.