قوتابییەک دوای چوار ساڵ پۆلی 12ـی بە کۆنمرەی 88 بڕی

ئەحمەد شەمزین – هەولێر

لەكاتی وەرگرتنەوەی ئەنجامەكانی خولی دووەم چیرۆكی جیاواز و سەرنجڕاکیش هەبوو، قوتابییەک دوای چوار ساڵ کۆڵ نەدان توانی بە کۆنمرەی 88 پۆلی 12 ببڕێ، بۆ پیرۆزبایی و دڵخۆشی خۆی و خانەوادەکەی، پۆستەرێکیان لە پێشی ماڵەکەیان هەڵواسیوە.

رۆژهات سەفین قسەی بۆ مایکی 964 کردووە و دەڵێت، “كۆلم نەدا تا سەركەوتم، بڕوای زۆرم بەخۆم هەبوو، ئەو پۆستەرەشم بۆیە هەڵواسی تا بەناوبانگ بم و قوتابییەکانی دیکەش چاوم لێ بکەن”.

“حەزم لە پێشكەشكاری و بەشی ئەندازیاری کۆمپیوتەرە، بەڵام چونکە دەرەجەکەم بەرزە ناچمە راگەیاندن و بەشی ئەندازیارییەکە هەڵدەبژێرم”، رۆژهات وادەڵێت.

جا باوکی رۆژهات، سەفین ئاغا چیرۆکێکی هاوشێوەی کوڕەکەی هەیە و دوای 31 ساڵ گەڕاوەتەوە و خوێندن و توانیویەتی پەیمانگا تەواو بکات، گوێ لە ڤیدیۆکەی سەرەوە بگرن، باشتر بۆتان روون دەبێتەوە چیان بەسەر هاتووە.

پێداچوونەوە؛ شۆڕش قادری