قەپانی كوردستان ئاگریگرت و بووە خوڵەمێش

ئەحمەد شەمزین – هەولێر

قەپانی كوردستان لەسەر رێگای هەولێر – مەخموور ئاگریگرت و بووە خوڵەمێش.

پاشنیوەڕۆی ئەمڕۆ چوارشەممە 5.8.2026  و بەهۆکارێکی نادیار ئاگر لە قەپانی كوردستان کەوتەوە، دوای ئاگادارکردنەوەیان، پێنج تیمی بەرگری شارستانی هەولێر چوونە شوێنەکە و ئاگرەکەیان کۆنتڕۆڵ کرد، رووداوەکە زیانی گیانی نەبووە و تەنیا بە زیانی ماددی کۆتایی هات.

سەرچاوەیەك لە بەرگری شارستانی هەولێر بە 964ـی وت، لە تەنیشت قەپانەکە، گۆڕەپانێکی کۆگاکردنی غاز هەیە، ئەگەر زوو فریا نەکەوتنایە و ئاگرەکەیان کۆنتڕۆڵ نەکردایە، کارەسات دەقەوما.

پێداچوونەوە؛ شۆڕش قادری