بەهای تمەنی ئێرانی داڕما و 100 دۆلار 18 ملیۆن تمەنی تێپەڕاند
100 دۆلار 18 ملیۆن تمەنی تێپەڕاند
تمەنی ئێرانی قەت وەک ئێستا حاڵی شڕ نەبووە
964+
شۆڕش قادری
تمەنی ئێرانی قەت وەک ئێستا حاڵی شڕ نەبووە و ئەمڕۆ لە بازاڕی دراوی هەولێر 100 دۆلاری ئەمریکی بۆ 18 ملیۆن و 600 هەزار تمەن بەرزبووەوە، ئەوەش بۆ یەکەمجارە لە بازاڕی کوردستان بەوشێوەیە بەهای تمەن دادەڕمێ، ئەوە نرخی حەواڵەیە و بەنەختیش، 100 دۆلار 14 ملیۆن و 200 هەزار تمەن دەکات.
کەیفی خۆشناو وتەبێژی بازاڕی دراوی پایتەخت بە 964ـی وت، “هۆکاری ئەو جیاوازییە زۆرە لە نێوان حەواڵە و نەخت بۆ ناجێگیری بەهای تمەن و گۆڕانکارییەکانی ناوچەکە دەگەڕێتەوە”.
بەرامبەر دیناری عێراقیش، ئەمڕۆ 100 دۆلار بە 152 هەزار و 500 بۆ 750 دینار مامەڵەی پێوە دەکرێت.
دینار و تمەن بەرامبەر دۆلار خۆیان نەگرت و سەربەرەوخوار بوونەوە
