تەنیا زیانی مادی هەبووە
ئەو ئاگرەی لە نەخۆشخانەی پیرەمەگروون کەوتەوە کۆنترۆڵکرا
964+
ئەحمەد محەمەد – سلێمانی
كەمێك لەمەوبەر ئاگر لە نەخۆشخانەی پیرەمەگروون كەوتووە و تەنیا زیانی ماددی هەبووە و لەلایەن بەرگری شارستانییەوە توانراوە کۆنترۆڵبکرێت.
محەمەد سالار، بەڕێوەبەری نەخۆشخانەی پیرەمەگروون بە 964ـی وت، كەمێك لەمەوبەر لەناو ژووری شۆفێرانی نەخۆشخانەی پیرەمەگروون ئاگر كەوتووەتەوە و تیمەكانی بەرگری شارستانی گەیشتوونەتە شوێنی رووداوەکە و کۆنترۆڵیان کردووە.
ئاماژەی بەوەشكرد، ئاگرەكە بەهۆی شۆڕتی كارەباوە سەریهەڵداوە و سوپاس بۆ خوا زیانی گیانی نەبووە و شۆفێران خۆیان رزگار كردووە، تەنیا سەلاجە و كەلوپەلی ناو ژوورەكە بەتەواوی سوتاوە و سەرجەم شۆفێرانی نەخۆشخانەكە سەلامەتن.
پێداچوونەوە: توانا نەقی
