"تەعزییەکەی لە هۆڵی کاکەڕەش دادەنێین"
تەرمی شەهید ئەحمەد هێمن گەیەندرایەوە زێدی خۆی
964+
شۆڕش قادری
تەرمی شەهید ئەحمەد هێمن گەیەندرایەوە زێدی خۆی و لە گۆڕستانی رەحیم ئاوا بەخاک دەسپێردرێت.
بەیانی ئەمڕۆ شەممە 31.10.2026 تەرمی شەهید ئەحمەد هێمن لە هەولێرەوە بەڕێکرا بۆ کەرکوک، عومەر ئەحمەد باپیری قسەی بۆ مایکی 964 کردووە و دەڵێت، “تەرمەکەی لە گۆڕستانی رەحیم ئاوا بەخاک دەسپێرین و تەعزییەکەشی لە هۆڵی کاکەڕەش دادەنێین”.
ئەو سوپاسی هەموو خەڵکی کوردستان کرد لەپای ئەو پێشوازییە گەرمەی کە لە تەرمی شەهید ئەحمەدیان کرد و دەڵێت، “مەمنوونی هەموویانم”.
ئەحمەد هێمن گەنجێکی خەڵکی کەرکوک بوو، لە سەرەتای سەرهەڵدانی گرژی و ئاڵۆزییەکان لە رۆژئاوای کوردستان، لەگەڵ چەند گەنجێکی هاوڕێی بۆ پشتیوانی لە شەرڤانان چووە ئەو بەشەی کوردستان و گیانی لەپێناو پاراستنی خاک و نیشتمان بەخت کرد.
پێداچوونەوە؛ شۆڕش قادری
