فەرمانبەران، شۆڕش و کەسنەزان
بۆ لادانى زێدەڕۆییەکان؛ هەڵمەتەکانى شارەوانى هەولێر بەردەوامە
964+
وریا فەتاح
ماوەیەکى شارەوانى هەولێر، بۆ لابردنى زێدەڕۆییەکان کەوتووەتەخۆی و ئەمڕۆش زێدەڕۆیی سەر سەوزایى ژمارەیەک شەقام لادران.
شارەوانییەکە بڵاوى کردووەتەوە، هەموو زێدەڕۆییەکانی سەر سەوزایی لادەدرێن کە بوونەتە هۆی شێواندنی سیمای شار و زیان گەیاندن بە دارو درەختەکان.
لە هەڵمەتەکەى شارەوانى هەولێر، هەریەک لە شەقامی فەرمانبەران و شۆڕش و کەسنەزان لەلایەن تیمەکانیان لە ئەندازەی پارکەکان ئەنجامدراوە و زێدەڕۆیییەکان لادراون.
هەر ئەوەش نییە و لە دوو هەفتەى رابردوو، لە ژمارەیەک بازاڕى شارەکە، تیمەکانى شارەوانى زێدەڕۆیى دوکاندارانیان لەسەر شەقام و بەردەمى دوکانەکان لادا، بە تایبەت هەڵواسینى پەردە و داپۆشینى شمەک و کەلوپەلەکانیان لەبەردەم دوکانەکان.
+3