سوپای سوریا پلانی داناوە پەلاماری چەند ناوچەیەکی ژێر دەسەڵاتی هەسەدە بدات

توانا نەقی

سوپای عەرەبی سوریا ئاگانامەیەکی بڵاوکردووەتەوە کە هاوپێچە لەگەڵ ئەم ناوچانەی ژێر دەسەڵاتی هەسەدەو دەڵێت بوونەتە ناوچەی داخراو و داوا لە خەڵک دەکات لێی نزیک نەبنەوە.

فەرماندەیی ئۆپەراسیۆنەکانی سوپای عەرەبی سوریا لە رێگەی کەناڵ و پلاتفۆرمە هەواڵییەکانییەوە هۆشدارییەکی گرنگی بڵاوکردەوە و لەگەڵ نەخشەی ئەو ناوچانەی کە دەیانەوێت هێرشی بکەنەسەر.

ناوچەکان کە لەسەر نەخشە بە رەنگی سوور ئاماژەی بۆکراوە و پلانی ئەوەیان هەیە پەلاماری بدەن پێکهاتووە لە دێر حافر، بابیری قواس و مەسکەنە.

لە بڵاوکراوەکەدا ئەوەش هاتووە کە داوا لە دانیشتووانی مەدەنی ئەو ناوچانە دەکەن لە پێگە سەربازییەکان دووربکەونەوە و نەچەنە ئەو شوێنانەی کە هێزەکانی هەسەدەی تێدایە.