خەڵكێکی زۆر ماونەتەوە
نەخۆشیان پێیە و لە رێگای حاجی ئۆمەران گیریانخواردووە
964+
ئاکام غەفوور – چۆمان
تا ئێستا رێگای نێوان چۆمان بۆ حاجی ئۆمەران نەکراوەتەوە و خەڵکێکی زۆر لەو رێگایەدا ماونەتەوە و گیریانخواردووە.
سەید ئەحمەد زراری شۆفێری ئەو خەتەیە و قسەی بۆ مایکی 964 کردووە، ئەو دەڵێت، “منداڵێکی نەخۆشم پێیە و بنەماڵەکەی دەیانهەوێ بیبەن بۆ ئێران، بەڵام بەهۆی ئەو بەفرە زۆرەوە گیرمانخواردووە و نازانین چی بکەیەن”.
ئاماژەی بەوەشکرد، ئەو منداڵە هەر تاوناتاوێک شەکرەی دادەبەزێ و باری تەندروستی باش نییە و حاڵی زۆر خراپە.
لە بەرەبەیانی ئەمڕۆوە ئاستەنگی هاتوچۆ لەرێگای نێوان چۆمان بۆ حاجی ئۆمەران دروستبووە و ئۆتۆمبێڵێکی زۆر لەو رێگایەدا ماونەتەوە.
پێداچوونەوە؛ شۆڕش قادری
