دیمەنێکی بارانبارین لە یەکێک لە شەقامەکانی کوردستان - وێنە: 964
ئەگەر دەچنە ئاهەنگەکان خۆتان باش داپۆشن
شەوی سەری ساڵ بەفر و بارانە
964+
شۆڕش قادری
شەوی سەری ساڵی میلادی بەفر و بارانە و ئەگەر بەنیازن بچنە ئاهەنگەکان خۆتان باش داپۆشن.
محەمەد کەمال شارەزای کەشناسی بە 964ـی وت، “بۆ رۆژانی 26 و 27ـی ئەم مانگە ئەگەری شەپۆلێکی بارانبارینی لاواز هەیە کە زیاتر کاریگەری لە ناوچەکانی کەرکوک و خورماتوو و گەرمیان دەبێت، بەڵام بۆ 31 مانگ و لە درەنگانی شەودا شەپۆلێکی باران و بەفر روو لە ناوچەکانی کوردستان دەکات کە لە ناوچە شاخاوییەکان زیاتر بەفر دەبارێت”.
“دواتر و لە قۆناغێکی دیکەدا لە سەرەتای ساڵدا واتە دوای 1.1.2026 شەپۆلێکی تری باران و بەفربارینمان دەبێت”، محەمەد کەمال وادەڵێت.
ئاماژەی بەوەشکرد، بەپێی پێشبینییەکان لەو دوو شەپۆلەدا بەڕێژەی باش باران دەبارێت و زۆربەی ناوچەکانی کوردستانیش دەگرێتەوە.
بەفر و بارانبارین لە ناوچەکانی کوردستان دەستپێدەکاتەوە
