"زیاتر لە 24 بارهەڵگرن"
هاوکارییەکانی خورماتوو گەیەندرانە قەزای چەمچەماڵ
964+
سیروان خورشید – چەمچەماڵ
هاوکارییەکانی خورماتوو گەیەندرانە قەزای چەمچەماڵ و بڕیارە لە چەند کاتژمێری داهاتوودا بەسەر خەڵکی زیانلێکەوتووی ئەو قەزایەدا دابەش بکرێت.
پاشنیوەڕۆی ئەمڕۆ یەکشەممە 14.12.2025 زیاتر لە 24 بارهەڵگر بە کەلوپەل و پێداویستی زەروورەوە گەیشتنە چەمچەماڵ کە ماوەی سێ رۆژە و لە هەڵمەتێکدا لەلایەن ژمارەیەک رۆژنامەنووسەوە کە پەیامنێری 964ـیشیان لەگەڵە، کۆکراونەتەوە.
لە خورماتوو جگە لە بەتانی و راخەر و خواردن، نزیکەی 60 ملیۆن دینار و زیاتر لە 10 هەزار لیتر نەوتیش بۆ خەڵکی چەمچەماڵ کۆکراوەتەوە.
هەفتەی رابردوو بەهۆی بارانبارینی بەخوڕ لافاو لە چەمچەماڵ و چەند شوێنێکی دیکەی کوردستان دروستبوو و بەهۆیەوە پێنج کەس گیانیان لەدەستدا و بە سەدان خانووش زیانیان بەرکەوت.
پێداچوونەوە؛ شۆڕش قادری
