ئەمڕۆ لە چەمچەماڵ، شۆڕش و سەنگاو نەوت دابەشدەکرێ

964+

ئەحمەد مستەفا

ئەمڕۆ لە چەند گەڕەکێک نەوت بەسەر هاوڵاتیانی قەزای چەمچەماڵ و ناحیەکانی شۆڕش و سەنگاو دابەش دەکرێت، ئەو هاووڵاتیانەی کارتی زیرەکی نەوتیان نوێکردووەتەوە دەتوانن سوودمەند بن.

بڕی نەوتەکە 200 لیترە، بە نرخی 104 هەزار دینار بە هاوڵاتیان دەدرێت.

ئەمە بڵاوکراوەی یەکەی سوتەمەنی چەمچەماڵە و دەڵێ، ئەمڕۆ یەکشەممە 7.12.2025و لە گەڕەکەکانی ناوەندی قەزای چەمچەماڵ، ناحیەی شۆڕش و سەنگاو نەوت دابەش دەکەن.

بەگوێرەی راگەیاندراوەکە، ئەو هاوڵاتیانەی کارتی زیرەکی نەوتیان نوێکردووەتەوە دەتوانن نەوتەکە وەربگرن، هەر هاووڵاتییەکیش تا ئێستا کارتی نەوتی وەرنەگرتووە، لە ڕۆژانی داهاتوودا پرۆسەکە بەردەوام دەبێت.

بەریمیلی نەوتی برێنت زیاتر لە 63 دۆلار

نرخی نەوت بەرزبووەوە