ئەو کراسەی کە یاسای شاهانەی شکاند و جیهانی بە لای خۆیدا راکێشا
لە مۆزەخانەیەکی پاریس پەیکەری دایانا بە کراسە رەشەکەیەوە نمایش کرا
964+
ژێوار خدر
پەیکەرێکی لە مۆم دروستکراوی شازادە دایانا، لە مۆزەخانەی گرێڤینی پاریس نمایشکرا، بەڵام سەرنجی هەمووان لەسەر کراسەکە بوو نەک خودی پەیکەرەکە.
ئەم کراسە رەش و کورتە 31 ساڵ لەمەوبەر ناونرا: کراسی تۆڵەسەندنەوە، کاتێک پادشای ئێستای بەریتانیا (شا چارلزی سێیەم) دانی بەوەدا نا کە ناپاکی لە دایانا کردووە، لەو کاتەدا دایانا وەک وەڵامێکی بوێرانە و شکاندنی نەریتی شاهانە، ئەم کراسە کورت و رەشەی لەبەر کرد، چونکە لە نەریتی شازادەکان ئەمە رێگەپێدراو نییە.
کراسەکە بووە بەناوبانگترین کراسی دایانا، ناونرا کراسی تۆڵەسەندنەوە.
