لە گوندێکی زاخۆ گولـلەتۆپێکی 130 ملم دۆزرایەوە

964+

شۆڕش قادری

لە گوندێکی ناحیەی باتێل لە ئیدارەی سەربەخۆی زاخۆ گولـلەتۆپێکی 130 ملم دۆزرایەوە و گوازرایەوە بۆ شوێنێکی پارێزراو.

بەپێی راگەیەنراوێکی بەڕێوەبەرایەتی گشتیی کاروباری مین/ پارێزگای دهۆک، ئەمڕۆ سێشەممە 7.10.2025 لە گوندی ئاسهێ لە ناحیەی باتێل گولـلەتۆپێکی 130 ملم دۆزراوەتەوە.

دوای ئاگادارکردنەوەیان تیمێکی لەناوبردنی مین و تەقەمەنی EOD چووەتە شوێنەکە، گولـلەتۆپەکەیان هەڵگرتووەتەوە و گواستوویانەتەوە بۆ شوێنێکی پارێزراوە و لە کاتێکی گۆنجاودا لەناوی دەبەن.

وەک هەمیشە بەڕێوەبەرایەتیی گشتیی کاروباری مینی دهۆک داوا لە هاوڵاتیان دەکات، لەکاتی بینینی مین و پاشماوەی جەنگی بەهیچ شێوەیەک دەستکاریان نەکەن و راستەوخۆ پەیوەندی بە ژمارە 182ـی دەزگای گشتی کاروباری مین بکەن.

لە ماوەی شەش ساڵدا 52  کێڵگە بە تەواوی لە مین پاک كراونەتەوە

له‌ناو باخچەى هاوڵاتییه‌كى زاخۆ چه‌ند پاشماوه‌یه‌كی جه‌نگی دۆزرانه‌وه‌